Twitter : @maharashtracity
मुंबई: शस्त्रक्रियेच्या संधीचा अभाव, अभ्यासकांचा अभाव, संशोधन कार्याचा अभाव आणि विभागातील निवासी डॉक्टरांना नियमितपणे तोंड द्यावे लागणारे असंसदीय वर्तन यासारख्या अनेक तक्रारी जे जे रुग्णालयाच्या नेत्रविभगातील डॉक्टरांकडून होत आहेत. त्यामुळे एनएमसीच्या निर्देशानुसार विभाग चालवावा अशी मागणी निवासी डॉक्टर करत आहेत. निवासी डॉक्टरांवर कोणत्याही प्रकारची दडपशाही खपवून घेणार नसून डॉक्टरांच्या शिक्षण आणि सन्मानाच्या हक्कासाठी लढा देणार असे येथील स्थानिक जे जे मार्ड संघटनेकडून सांगण्यात आले आहे.
दरम्यान, जे जे मार्डकडून कळविलेल्या माहितीनुसार सर जेजे हॉस्पिटल, मुंबई येथील नेत्रचिकित्सा विभागात निवासी डॉक्टरांवर अन्याय अडचणी वाढत असून या ठिकाणी अशैक्षणिक वातावरण असल्याचे सांगण्यात आले. यात जे जे नेत्ररोग विभागातील निवासी डॉक्टर डॉ. टी. पी. लहाने आणि डॉ. रागिणी पारेख यांच्या हुकूमशाहीबाबत चिंता व्यक्त करण्यात आली आहे. तसेच त्या दोघांच्या विरोधात काही तक्रारी मांडल्या आहेत.
तक्रारींमध्ये शस्त्रक्रियेच्या संधीचा अभाव, अभ्यासकांचा अभाव, संशोधन कार्याचा अभाव आणि विभागातील निवासी डॉक्टरांना नियमितपणे तोड द्यावे लागणारे असंसदीय वर्तन यासारख्या तक्रारी आहेत. त्यामुळे एनएमसीच्या निर्देशानुसार विभाग चालवावा ही निवासी डॉक्टरांची प्राथमिक मागणी आहे. जेजे रुग्णालय प्रशासनाने ही तक्रार गांभीर्याने घेतली आहे. यावर त्वरीत चौकशी करुन बाधित रहिवाशाच्या त्रासाला मदत केली असली तरी, या संवेदनशीलतेची जलद ट्रॅकिंग सुनिश्चित करण्यासाठी प्रकरण उघड करणे आवश्यक असल्याची मागणी करण्यात आली आहे.
