Twitter : @maharashtracity
मुंबई: मुंबई महानगरपालिकेच्या एल कुर्ला विभागामध्ये झिकाचा रुग्ण सापडला असून हा मुंबईतील दुसरा रुग्ण आहे. पहिला रुग्ण एम पश्चिम विभागात आढळला होता. एल कुर्ला वॉर्डमध्ये राहणाऱ्या १५ वर्षीय मुलीला झिका विषाणूची लागण झाली आहे. या मुलीला दीर्घकालीन आजार असल्याची माहिती पालिका प्रशासनाने दिली आहे.
या रुग्णाला २० ऑगस्ट २०२३ पासून ताप आणि डोकेदुखीची लक्षणे होती. सुरुवातीला तिने खासगी रुग्णालयात उपचार घेतले. मात्र, आता तिला सार्वजनिक रुग्णालयात दाखल करण्यात आले असून तिची प्रकृती स्थिर आहे. दरम्यान, झिकाचे आणखी काही रुग्ण सापडतात का हे पाहण्यासाठी पालिकेने सर्वेक्षण बाधित रुग्णाच्या परिसरातील घरांचे सर्वेक्षण सुरु केले आहे. त्यामध्ये कोणताही ताप किंवा संशयित रुग्ण सापडलेला नाही.
झिका व्हायरस रोग हा झिका व्हायरसमुळे होणारा सौम्य आजार आहे. हा आजार संक्रमित एडिस डासांमुळे पसरतो. एडिस डास डेंग्यू आणि चिकून गुनिया या आजारांचाही प्रसार करतात. हा आजार विषाणूजन्य असला तरी कोविड सारखा वेगाने पसरत नाही. यात ताप, त्वचेवर पुरळ, डोळे येणे, स्नायू आणि सांधेदुखी, अस्वस्थता आणि डोकेदुखी अशी लक्षणे आढळून येतात. झिका व्हायरस रोग हा एक स्वयं मर्यादित आजार आहे. झिका विषाणूची लागण झालेल्या व्यक्तींपैकी ८० टक्के व्यक्ती लक्षणे नसतात. महानगरपालिकेत या आजाराच्या चाचणीची सुविधा केईएम रुग्णालयात उपलब्ध आहे.
दरम्यान बाधित रुग्णाच्या परिसरातील घरांचे सर्वेक्षण केले आहे. त्यामध्ये कोणताही नवीन संशयित रुग्ण आढळला नाही. इमारतीच्या पार्किंगमध्ये आढळणारी एडीज ब्रीडिंग आणि डास नियंत्रण उपाययोजना केल्या जातात. नागरिकांनी घाबरून न जाता डासांची उत्पत्ती रोखण्यासाठी सर्व पाण्याच्या टाक्या आणि कंटेनर घट्ट झाकणांनी झाकून ठेवा. वापरात नसलेले सर्व कंटेनर, जंक मटेरियल, टायर, नारळाचे गोळे इत्यादींची विल्हेवाट लावून नष्ट करा. रिफिलिंग करण्यापूर्वी दर आठवड्याला रिकामे, स्क्रब आणि कोरडे वाळवंट कुलर घाला. घरे आणि हॉटेलमधील शोभेच्या टाक्यांमध्ये लाव्हिव्हरी माशांचा वापर करण्याचे आवाहन करण्यात आले आहे.
