मुंबई
राष्ट्रीय तपास यंत्रणा एनआयएने ISIS दहशतवादी कट प्रकरणात कर्नाटक आणि महाराष्ट्रात 40 हून अधिक ठिकाणी छापे टाकत आहेत.
आज सकाळपासून एनआयएने टाकलेल्या एकूण 41 ठिकाणांपैकी एजन्सीच्या अधिकार्यांनी कर्नाटकातील 1, पुण्यातील 2, ठाणे ग्रामीणमधील 31, ठाणे शहरातील 9 आणि भाईंदरमधील 1 ठिकाण शोधले असल्याचे सूत्रांनी सांगितले. छाप्यात 13 जणांना अटक करण्यात आल्याची माहिती मिळत आहे.
सूत्रांनी सांगितले की, दहशतवादविरोधी एजन्सीच्या अधिकाऱ्यांनी महाराष्ट्र आणि कर्नाटकच्या पोलीस दलांसह या ठिकाणांवर छापे टाकले. हे प्रकरण आरोपी व्यक्ती आणि त्यांच्या साथीदारांनी रचलेल्या गुन्हेगारी कटाशी संबंधित आहे. ज्यांनी अल-कायदा आणि ISIS सारख्या प्रतिबंधित दहशतवादी संघटनांच्या हिंसक अतिरेकी विचारसरणीचं वचन घेतलं होतं. आणि एक दहशतवादी टोळी तयार केली होती.
गेल्या महिन्यात ISIS च्या मोठ्या दहशतवादी योजनेचा पर्दाफाश झाला होता, तेव्हा ISIS च्या अटकेत असलेल्या एका दहशतवाद्याच्या कबुली जबाबातून अनेक खुलासे झाले होते. अहमदाबाद आणि गांधी नगरमध्ये इसिसचे मोठे स्फोट घडवून आणण्याची त्यांची योजना होती. त्याचवेळी भारताचे काही महत्त्वाचे लष्करी तळही इसिसच्या लक्ष्यावर होते. भारताच्या महत्त्वाच्या लष्करी तळांवरून काढलेली छायाचित्रे पाकिस्तान आणि सीरियाला पाठवण्यात आली होती.