मुंबई : सागर कातुर्डेने आपली नॉनस्टॉप जेतेपदांची मालिका कायम ठेवताना नमो चषक आमदार श्री शरीरसौष्ठव स्पर्धेवरही आपलेच नाव कोरले आहे. हे त्याचे गेल्या दोन महिन्यांमधील सलग अकरावे जेतेपद ठरले आहे.
सागर कातुर्डेसाठी २०२४ वर्ष संस्मरणीय ठरले आहे. त्याच्या आखीव-रेखीव शरीरयष्टीसमोर महाराष्ट्रातील एकही शरीरसौष्ठवपटू त्याला मागे टाकण्यात यशस्वी ठरला नाही. घाटकोपर येथे भारतीय जनता पार्टीच्या वतीने आयोजित या स्पर्धेतही सागरला उमेश गुप्ता, संतोष भरणकर, चेतन नाईक यांनी कडवी झुंज दिली, पण अखेर सागरच विजेता ठरला. संकेत भरमने बेस्ट पोझरचा पुरस्कार पटकावला. बृहन्मुंबई शरीरसौष्ठव संघटना, मुंबई उपनगर शरीरसौष्ठव आणि फिटनेस संघटनेच्या मान्यतेने पार पडलेल्या या स्पर्धेचा पुरस्कार वितरण सोहळा शरीरसौष्ठव संघटनेच्या अजय खानविलकर, राजेश सावंत, विशाल परब, सुनील शेगडे, भारत श्री शाम रहाटे, आयोजक अनिल निर्मळे यांच्या उपस्थितीत पार पडला.
आमदार श्रीचा निकाल : ५५ किलो : १- गितेश मोरे (समर्थ व्यायामशाळा), २- अक्षय गवाणे (पॉवर फिटनेस), ४- रंजित बंगेर (आदित्य जिम), ५- ओमकार साईम (आर एम जिम), ६- हर्षल देशमुख (शेळके जिम); ६०किलो :१- गणेश पाटील (फिजीक जिम),२- रोशन भोसले (परब फिटनेस),३- प्रशांत घोलम (एस बी फिटनेस),४- संजय जाधव (आर एम भट),५- अनिस शिंदे (सुप्रीमो जिम), ६- ऋषी वयागणकर (राऊत फिटनेस); ६५ किलो :१- उमेश पांचाळ (परब फिटनेस), २- संकेत भरम (परब फिटनेस), ३- अनिल जयस्वाल (सोमय्या कॉलेज), ४- दर्शन सनस(जय भवानी), ५- देवेश पाटील (श्री राम फिटनेस), ६- दीपक साळवी (सुप्रीमो फिटनेस); ७० किलो: १- उमेश गुप्ता (यू जी फिटनेस), २- विलास घडवले (परब फिटनेस), ३- नदीम अन्सारी (सावरकर जिम), ४- लिलाधर म्हात्रे (कृष्णा जिम), ५- दिपेश पवार (जय भवानी), ६- कुलदीप राजपूत (राज जिम); ७५ किलो : १- संतोष भरणकर (परब फिटनेस), २- गणेश उपाध्याय (बालमित्र जिम), ३- विशाल धावडे (बालमित्र जिम), ४- मंगेश भोसले (बॉडी वर्कशॉ्प), ५- सूरज निर्मळ (परब फिटनेस), ६- रुपेश दिवे (छत्रपती शिवाजी जिम); ८० किलो: १- सागर कातुर्डे (आयकर विभाग), २- अक्षय खोत (परब फिटनेस), ३- अमित साटम (माँसाहेब जिम), ४- विशाल गिजे (बालमित्र जिम), ५- राजेश जाधव (कर्ल जिम), ६- गणेश नगरकर (सर्वेश्वर फिटनेस); ८०किलोवरील : १- चेतन नाईक (विराज फिटनेस), २- उबेद पटेल (विकी जिम), ३- हरमित सिंग (परब फिटनेस), ४- अभिषेक लोंढे (हरकुल फिटनेस), ५- विजेंद्र ढसाळ (फिटनेस पॉइंट), ६- जीवन सकपाळ(शेळके जिम).
किताब विजेता – सागर कातुर्डै (आयकर)
उप किताब विजेता- उमेश गुप्ता (यु जी फिटनेस).
