@maharashtracity
मुंबई: इंडियन रेल्वे स्टेशन डेव्हलपमेंट कॉर्पोरेशन लिमिटेड आयआरएसडीसी अंधेरी रेल्वे स्टेशन चा टप्प्याटप्प्याने विकसित करेल. यासाठी पुनर्विकासाचे एकूण क्षेत्र 4..31१ एकर आहे. पहिल्या टप्प्यात २.१ एकर आणि दुसर्‍या टप्प्यातील उर्वरित क्षेत्रावर काम केले जाणार आहे. पहिल्या टप्प्यात पुनर्विकासासाठी प्रकल्प खर्च २१8 कोटी रुपये निश्चित करण्यात आला आहे. त्याचबरोबर आयआरएसडीसीचे एमडी आणि मुख्य कार्यकारी अधिकारी एसके लोहिया म्हणाले की, येत्या काळात मुंबईतील अंधेरी स्थानकाशिवाय आम्ही दादर, कल्याण, ठाकूरली, वांद्रे, सीएसएमटी, ठाणे आणि बोरिवली स्थानकांचा पुनर्विकास करू. या प्रकल्पांमधील काम वेगवेगळ्या टप्प्यात केले जाईल..
इंडियन रेल्वे स्टेशन डेव्हलपमेंट कॉर्पोरेशन लिमिटेड (आयआरएसडीसी) भारतभरातील अनेक रेल्वे स्थानकांचा पुनर्विकास करीत आहे. त्यात मुंबईच्या अंधेरी स्थानकाचा समावेश आहे, जे भारताच्या व्यावसायिक आणि आर्थिक केंद्रात स्थित आहे आणि जगातील सर्वाधिक लोकसंख्या असलेल्या शहरांमध्ये आहे. स्थानकांच्या पुनर्विकासाचे उद्दीष्ट प्रवाशांना जागतिक दर्जाच्या सुविधा पुरविणे आणि प्रवासाचा अनुभव वाढविणे हे आहे. हे 21 हजार 843 चौरस मीटर मध्ये तयार केले जाणार आहे.
पुनर्विकासासाठी डीबीएफओटी (डिझाइन, बिल्ड, फायनान्स, ऑपरेशन आणि ट्रान्सफर) मॉडेलचा अवलंब करण्यात आला आहे. त्याचे पुनर्विकास मॉडेल सक्षम प्राधिकरणास मंजुरीसाठी पाठविले आहे. पुन्हा आवश्यक असल्यास अंधेरी रेल्वे स्थानकाच्या पहिल्या टप्प्यातील विकासासाठी आरएफक्यू (पात्रतेसाठी विनंती) जारी केले जातील. फ्लोर प्लॅनच्या अतिरिक्त मंजुरीसह अंधेरी स्थानकाचा मास्टर प्लॅन 21 मे 2021 रोजी पश्चिम रेल्वेकडून प्राप्त झाला आहे.
